ویسے تو اک دوسرے کی سب سنتے ہیں — شہزاد احمد
شاعر
ویسے تو اک دوسرے کی سب سنتے ہیں
ویسے تو اک دوسرے کی سب سنتے ہیں
جن کو سنانا چاہتا ہوں کب سنتے ہیں
اب بھی وہی دن رات ہیں لیکن فرق یہ ہے
پہلے بولا کرتے تھے اب سنتے ہیں
شک اپنی ہی ذات پہ ہونے لگتا ہے
اپنی باتیں دوسروں سے جب سنتے ہیں
محفل میں جن کو سننے کی تاب نہ تھی
وہ باتیں تنہائی میں اب سنتے ہیں
جینا ہم کو ویسے بھی کب آتا تھا
بدل گئے ہیں جینے کے ڈھب سنتے ہیں
آنکھیں چھو کر دیکھتی ہیں آوازوں کو
کان دہائی دیتے ہیں لب سنتے ہیں
سنتے ضرور ہیں دنیا والے بھی شہزادؔ
کہنے کی خواہش نہ رہے تب سنتے ہیں
Waise to ek doosre ki sab sunte hain
Waise to ek doosre ki sab sunte hain
Jin ko sunana chahta hoon kab sunte hain
Ab bhi wahi din raat hain lekin farq ye hai
Pehle bola karte the ab sunte hain
Shak apni hi zaat pe hone lagta hai
Apni baaten doosron se jab sunte hain
Mehfil mein jin ko sunne ki taab na thi
Woh baaten tanhai mein ab sunte hain
Jeena hum ko waise bhi kab aata tha
Badal gaye hain jeene ke ḍhab sunte hain
Aankhen chhoo kar dekhti hain aawazon ko
Kaan duhai dete hain lab sunte hain
Sunte zaroor hain dunya wale bhi Shehzad
Kahne ki khwahish na rahe tab sunte hain
شاعر کے بارے میں
شہزاد احمد 16 اپریل 1932ء کو امرتسر (برطانوی ہندوستان) میں پیدا ہوئے۔ ان کا اصل نام شہزاد احمد تھا اور ادبی دنیا میں بھی وہ اسی نام سے معروف ہوئے۔ ...
مکمل تعارف پڑھیں