حال اس کا ترے چہرہ پہ لکھا لگتا ہے — شہزاد احمد
شاعر
حال اس کا ترے چہرہ پہ لکھا لگتا ہے
حال اس کا ترے چہرہ پہ لکھا لگتا ہے
وہ جو چپ چاپ کھڑا ہے ترا کیا لگتا ہے
یوں تری یاد میں دن رات مگن رہتا ہوں
دل دھڑکنا ترے قدموں کی صدا لگتا ہے
یوں تو ہر چیز سلامت ہے مری دنیا میں
اک تعلق ہے کہ جو ٹوٹا ہوا لگتا ہے
اے مرے جذب دروں مجھ میں کشش ہے اتنی
جو خطا ہوتا ہے وہ تیر بھی آ لگتا ہے
جانے میں کون سی پستی میں گرا ہوں شہزادؔ
اس قدر دور ہے سورج کہ دیا لگتا ہے
Haal us ka tere chehra pe likha lagta hai
Haal us ka tere chehra pe likha lagta hai
Woh jo chup chaap khada hai tera kya lagta hai
Yoon teri yaad mein din raat magan rehta hoon
Dil dhadakna tere qadmon ki sada lagta hai
Yoon to har cheez salamat hai meri duniya mein
Ik ta'alluq hai ke jo toota hua lagta hai
Aye mere jazb-e-daroon mujh mein kashish hai itni
Jo khata hota hai woh teer bhi aa lagta hai
Jaane main kaun si pasti mein gira hoon Shehzad
Is qadar door hai suraj ke diya lagta hai
شاعر کے بارے میں
شہزاد احمد 16 اپریل 1932ء کو امرتسر (برطانوی ہندوستان) میں پیدا ہوئے۔ ان کا اصل نام شہزاد احمد تھا اور ادبی دنیا میں بھی وہ اسی نام سے معروف ہوئے۔ ...
مکمل تعارف پڑھیں