اب تو یوں خواب کے رستوں پہ قدم رکھتا ہوں — آفتاب حسین
شاعر
اب تو یوں خواب کے رستوں پہ قدم رکھتا ہوں
اب تو یوں خواب کے رستوں پہ قدم رکھتا ہوں
جس طرح اپنی ہی آنکھوں پہ قدم رکھتا ہوں
دیکھتا ہوں تو دہکتے ہوئے انگارے ہیں
اور چلتا ہوں تو پھولوں پہ قدم رکھتا ہوں
نشہ ایسا ہے کہ ہے لغزش پا آنکھوں میں
لڑکھڑاتا ہوں تو شیشوں پہ قدم رکھتا ہوں
اندر اندر ہی کوئی راہ نکلتی ہوئی ہے
یہ جو میں اپنے ہی قدموں پہ قدم رکھتا ہوں
تھرتھرا اٹھتی ہے پانی کی طرح دل کی زمیں
یاد کے ڈولتے رسوں پہ قدم رکھتا ہوں
دل میں چلتی ہے کسی گزرے زمانے کی ہوا
راکھ ہوتی ہوئی یادوں پہ قدم رکھتا ہوں
مجھ میں رہ رہ کے ابھرتی ہے چٹخنے کی صدا
جیسے ٹوٹی ہوئی قبروں پہ قدم رکھتا ہوں
ہاتھ آئے بھی تو کیا کار کشائی کا سرا
میں کہ خود اپنے ارادوں پہ قدم رکھتا ہوں
قافیہ تنگ کیے رہتا ہوں دن رات اپنا
کس قدر سخت زمینوں پہ قدم رکھتا ہوں
آفتاب حسین
Ab to yoon khwaab ke raston pe qadam rakhta hoon
Ab to yoon khwaab ke raston pe qadam rakhta hoon
Jis tarah apni hi aankhon pe qadam rakhta hoon
Dekhta hoon to dehakte hue angaare hain
Aur chalta hoon to phoolon pe qadam rakhta hoon
Nasha aisa hai ke hai laghzish-e-paa aankhon mein
Ladkhadata hoon to sheeshon pe qadam rakhta hoon
Andar andar hi koi raah nikalti hui hai
Ye jo main apne hi qadmon pe qadam rakhta hoon
Tharthara uthti hai pani ki tarah dil ki zameen
Yaad ke dolte rasoon pe qadam rakhta hoon
Dil mein chalti hai kisi guzre zamane ki hawa
Raakh hoti hui yaadon pe qadam rakhta hoon
Mujh mein reh reh ke ubharti hai chatakhne ki sada
Jaise tooti hui qabron pe qadam rakhta hoon
Haath aaye bhi to kya kaar-kushai ka sira
Main ke khud apne iradon pe qadam rakhta hoon
Qafiya tang kiye rehta hoon din raat apna
Kis qadar sakht zameenon pe qadam rakhta hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں