یہ دل کا خالی جام لیے کیا ادھر ادھر ٹکراتا ہے — آفتاب حسین
شاعر
یہ دل کا خالی جام لیے کیا ادھر ادھر ٹکراتا ہے
یہ دل کا خالی جام لیے کیا ادھر ادھر ٹکراتا ہے
آ لگ جا آ کر سینے سے جیسے پتھر ٹکراتا ہے
کن اوبڑ کھابڑ رستوں میں ٹھوکر پر ٹھوکر کھاتا ہوں
آنکھوں سے خواب الجھتے ہیں پیروں سے سفر ٹکراتا ہے
اس حبس حواس کے موسم میں دم سادھ کے بیٹھا ہوں خوش ہوں
کسی خواب خیال کا جھونکا کیوں مجھ سے آ کر ٹکراتا ہے
اس ہونے کی حیرانی میں اس وحشت بھر ویرانی میں
منظر سے میں ٹکراتا ہوں مجھ سے منظر ٹکراتا ہے
کوئی خواہش خون کی گردش میں چکر پر چکر کاٹتی ہے
کوئی لہولہان خیال ہے جو مرے دل سے سر ٹکراتا ہے
اس اندھی کابک کے اندر پرواز کی مہلت ہے بھی تو کیا
اڑتا ہوں تو میرے شہپر سے کسی اور کا پر ٹکراتا ہے
آفتاب حسین
Ye dil ka khaali jaam liye kya idhar udhar takrata hai
Ye dil ka khaali jaam liye kya idhar udhar takrata hai
Aa lag ja aa kar seene se jaise patthar takrata hai
Kin oobad-khabaad raston mein thokar par thokar khata hoon
Aankhon se khwab ulajhte hain pairon se safar takrata hai
Is habs-e-hawas ke mausam mein dam saadh ke baitha hoon khush hoon
Kisi khwab-o-khayal ka jhonka kyun mujh se aa kar takrata hai
Is hone ki hairani mein is wahshat-bhar virani mein
Manzar se main takrata hoon mujh se manzar takrata hai
Koi khwahish khoon ki gardish mein chakkar par chakkar kaat ti hai
Koi laho-luhan khayal hai jo mere dil se sar takrata hai
Is andhi kabak ke andar parwaz ki mohlat hai bhi to kya
Udta hoon to mere shahpar se kisi aur ka par takrata hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں