تیر اس بار نشانے کی طرف سے آیا — آفتاب حسین
شاعر
تیر اس بار نشانے کی طرف سے آیا
تیر اس بار نشانے کی طرف سے آیا
یعنی اک زخم نہ آنے کی طرف سے آیا
کار دنیا نے اب الجھایا ہے ایسا کہ مجھے
دھیان اپنا بھی زمانے کی طرف سے آیا
ہر گل تازہ میں خوشبوئے گزشتہ پائی
ہر نیا خواب پرانے کی طرف سے آیا
راستہ دیکھتے رہتے تھے کہ آئے گا کوئی
اور جسے آنا تھا جانے کی طرف سے آیا
اب تو بچنے کی کوئی راہ نہیں ہے کہ وہ شخص
یاد کچھ اور بھلانے کی طرف سے آیا
آفتاب حسین
Teer is baar nishane ki taraf se aaya
Teer is baar nishane ki taraf se aaya
Yaani ek zakhm na aane ki taraf se aaya
Kar-e-duniya ne ab uljhaya hai aisa ke mujhe
Dhyan apna bhi zamane ki taraf se aaya
Har gul-e-taza mein khushbu-e-guzishta pai
Har naya khwab purane ki taraf se aaya
Rasta dekhte rahte the ke aayega koi
Aur jise aana tha jaane ki taraf se aaya
Ab to bachne ki koi raah nahin hai ke woh shakhs
Yaad kuchh aur bhulane ki taraf se aaya
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں