دور ہی سے نظر آ جائے گا جوتا میرا — آفتاب حسین
شاعر
دور ہی سے نظر آ جائے گا جوتا میرا
دور ہی سے نظر آ جائے گا جوتا میرا
مجھ سے بھی آگے نکلتا ہوا جوتا میرا
ہرزہ گردی کی خلش تھی تو مرے پاؤں میں تھی
کیوں مرے ساتھ گھسٹتا رہا جوتا میرا
دل پہ جو گرد مسافت ہے کوئی کیا جانے
نظر آتا ہے چمکتا ہوا جوتا میرا
میں کہ ہوں اپنے کسی دھیان کے بنباس میں گم
ہے مرے تخت پہ رکھا ہوا جوتا میرا
منزل دہر تھی دلدل تھی کہ تھا میرا دل
پاؤں رکھا تھا کہ دھنستا گیا جوتا میرا
نیند کے دشت میں کچھ موڑ تھے بے داری کے بھی
پیر سوتے رہے جاگا کیا جوتا میرا
منہ لپیٹے ہوئے پگڑی میں پڑا رہ گیا میں
اور جوتے پہ چڑھا رہ گیا جوتا میرا
آفتاب حسین
Door hi se nazar aa jayega joota mera
Door hi se nazar aa jayega joota mera
Mujh se bhi aage nikalta hua joota mera
Harza-gardi ki khalish thi to mere paon mein thi
Kyun mere saath ghisat ta raha joota mera
Dil pe jo gard-e-musafat hai koi kya jaane
Nazar aata hai chamakta hua joota mera
Main ke hoon apne kisi dhyan ke banbas mein gum
Hai mere takht pe rakha hua joota mera
Manzil-e-dahr thi daldal thi ke tha mera dil
Paon rakha tha ke dhansata gaya joota mera
Neend ke dasht mein kuchh mod the bedari ke bhi
Pair sote rahe jaga kya joota mera
Munh lipete hue pagdi mein pada rah gaya main
Aur joote pe chadha rah gaya joota mera
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں