ہر سمت گونجتا ہوا آوازہ ہے مرا — آفتاب حسین
شاعر
ہر سمت گونجتا ہوا آوازہ ہے مرا
ہر سمت گونجتا ہوا آوازہ ہے مرا
خوش ہوں بہت کہ زخم ابھی تازہ ہے مرا
ٹھوکر لگاتا ہوں تو نکلتے ہیں راستے
دیوار جس کو کہتے ہو دروازہ ہے مرا
کچھ بھی نہیں ہے میرے لئے تیری کائنات
اور ہے بھی کچھ اگر تو بس اندازہ ہے مرا
آگے نکل گیا ہوں میں اپنے وجود سے
بکھرا ہوا فضاؤں میں شیرازہ ہے مرا
نشہ اتر رہا ہے تو اب سوچتا ہوں میں
یہ زندگی نہیں ہے یہ خمیازہ ہے مرا
آفتاب حسین
Har simt goonjta hua aawaza hai mera
Har simt goonjta hua aawaza hai mera
Khush hoon bahut ke zakhm abhi taza hai mera
Thokar lagata hoon to nikalte hain raste
Deewar jis ko kahte ho darwaza hai mera
Kuchh bhi nahin hai mere liye teri kainat
Aur hai bhi kuchh agar to bas andaza hai mera
Aage nikal gaya hoon main apne wujood se
Bikhra hua fazaon mein shiraza hai mera
Nasha utar raha hai to ab sochta hoon main
Ye zindagi nahin hai ye khamyaza hai mera
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں