ابھی وہ زد میں نہیں ہے مگر نشانے پہ ہے — آفتاب حسین
شاعر
ابھی وہ زد میں نہیں ہے مگر نشانے پہ ہے
ابھی وہ زد میں نہیں ہے مگر نشانے پہ ہے
کہ تیر ہاتھ میں ہے اور نظر نشانے پہ ہے
وہ معرکہ ہے کہ کچھ بھی سمجھ میں آتا نہیں
کہاں ہے مار پہ دل اور کدھر نشانے پہ ہے
نشاں لگا کے جو رکھتا ہے اپنے گھر کے گرد
اسے خبر ہو کہ اب اس کا گھر نشانے پہ ہے
کھلا کہ اب ہے فقط گمرہی میں عافیت
کہ جو کوئی ہے یہاں راہ پر نشانے پہ ہے
نظر میں گھومتی رہتی ہے کوئی قاتل آنکھ
سو جس طرف بھی ہو دل سربسر نشانے پہ ہے
نکال تو بھی کوئی عیب آفتاب حسینؔ
کہ یہ وہ شہر ہے جس میں ہنر نشانے پہ ہے
آفتاب حسین
Abhi woh zad mein nahi hai magar nishaane pe hai
Abhi woh zad mein nahi hai magar nishaane pe hai
Ke teer haath mein hai aur nazar nishaane pe hai
Woh maarka hai ke kuch bhi samajh mein aata nahi
Kahan hai maar pe dil aur kidhar nishaane pe hai
Nishan laga ke jo rakhta hai apne ghar ke gird
Use khabar ho ke ab us ka ghar nishaane pe hai
Khula ke ab hai faqat gumrahi mein aafiyat
Ke jo koi hai yahan raah par nishaane pe hai
Nazar mein ghoomti rehti hai koi qatil aankh
So jis taraf bhi ho dil sar basar nishaane pe hai
Nikaal to bhi koi aib Aftab Hussain
Ke yeh woh shahar hai jis mein hunar nishaane pe hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں