عجیب دن ہیں کہ لگتا ہے رات چل رہی ہے — آفتاب حسین
شاعر
عجیب دن ہیں کہ لگتا ہے رات چل رہی ہے
عجیب دن ہیں کہ لگتا ہے رات چل رہی ہے
جو ہو چکی ہے وہی واردات چل رہی ہے
ہزار حرف گرہ ہو کے رہ گئے دل میں
کلام ختم ہوا اور بات چل رہی ہے
ہوائے موسم جاں تیرے دم قدم سے ہے
میں چل رہا ہوں کہ تو میرے ساتھ چل رہی ہے
رکے جو دل تو زمانے کی سانس رک جائے
سو چل رہا ہے تو یہ کائنات چل رہی ہے
چلو ہوئی تو ہے کچھ چہل پہل سینے میں بھی
جنازا جا رہا ہے یا برات چل رہی ہے
گزر کے آیا ہوں اک شام مرگ رنگ سے میں
اب ایک صبح قیامت سے بات چل رہی ہے
رواں دواں ہوں قدم سے قدم ملائے ہوئے
کہ ساتھ ساتھ رہ مشکلات چل رہی ہے
آفتاب حسین
Ajab din hain ke lagta hai raat chal rahi hai
Ajab din hain ke lagta hai raat chal rahi hai
Jo ho chuki hai wahi wardat chal rahi hai
Hazar harf girah ho ke rah gaye dil mein
Kalam khatm hua aur baat chal rahi hai
Hawa-e-mausam-e-jaan tere dam qadam se hai
Main chal raha hoon ke tu mere saath chal rahi hai
Ruke jo dil to zamane ki saans ruk jaaye
So chal raha hai to yeh kaaynat chal rahi hai
Chalo hui to hai kuch chahal pahal seene mein bhi
Janaza ja raha hai ya baraat chal rahi hai
Guzar ke aaya hoon ek shaam-e-marg-e-rang se main
Ab ek subh-e-qayamat se baat chal rahi hai
Rawan dawan hoon qadam se qadam milaye hue
Ke saath saath rah mushkilaat chal rahi hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں