عجیب طرح کا یہ اہتمام مجھ سے ہوا — آفتاب حسین
شاعر
عجیب طرح کا یہ اہتمام مجھ سے ہوا
عجیب طرح کا یہ اہتمام مجھ سے ہوا
وہ تیغ تیز تھا اور بے نیام مجھ سے ہوا
بہت سے لوگ تھے اس راستے میں خاک بسر
مگر یہ راستہ آخر تمام مجھ سے ہوا
گزر کے آیا ہوں میں روندتا ہوا خود کو
کسی کا کام تھا لیکن یہ کام مجھ سے ہوا
وہ راستے تھے کہ چلتے تھے میرے خون کے ساتھ
رکا بھی میں تو بھلا کب قیام مجھ سے ہوا
مری بجھی ہوئی آنکھوں میں لو چمک اٹھی
میں مر رہا تھا کہ وہ ہم کلام مجھ سے ہوا
حرام موت تو میرے نصیب میں نہیں تھی
یہی ہوا ہے کہ جینا حرام مجھ سے ہوا
آفتاب حسین
Ajeeb tarah ka yeh ehtemaam mujh se hua
Ajeeb tarah ka yeh ehtemaam mujh se hua
Woh tegh tez tha aur be niyaam mujh se hua
Bohat se log the is raaste mein khaak basar
Magar yeh raasta aakhir tamaam mujh se hua
Guzar ke aaya hoon main raundta hua khud ko
Kisi ka kaam tha lekin yeh kaam mujh se hua
Woh raaste the ke chalte the mere khoon ke saath
Ruka bhi main to bhala kab qiyaam mujh se hua
Meri bujhi hui aankhon mein lau chamak uthi
Main mar raha tha ke woh hum kalaam mujh se hua
Haraam maut to mere naseeb mein nahin thi
Yehi hua hai ke jeena haraam mujh se hua
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں