اپنے آپ کو دیکھ رہا ہوں حیرانی حیرانی سے — آفتاب حسین
شاعر
اپنے آپ کو دیکھ رہا ہوں حیرانی حیرانی سے
اپنے آپ کو دیکھ رہا ہوں حیرانی حیرانی سے
ورنہ اور تعلق کیا ہے میرا بہتے پانی سے
ایک ذرا سی بات تھی لیکن طرح طرح کے پیچ پڑے
کتنے کام آسان ہوئے ہیں اور کتنی آسانی سے
رات بہت دن بعد آئے ہیں دل کے ٹکڑے آنکھوں میں
رات بہت دن بعد ملے ہیں یہ انگارے پانی سے
کب تک اپنا آپ سنبھالیں کب تک ضبط کی خو ڈالیں
دل کی بات نکل جاتی ہے آنکھوں کی نادانی سے
ایک ہی منظر دیکھ رہا ہوں اس بے انت خرابے میں
ایک ہی صورت جھانک رہی ہے صدیوں کی ویرانی سے
ہم نے بھی ہرچند بھرا ہے سوانگ اس کھیل تماشے میں
ربط نہیں کھلتا اپنا کچھ اس بے ربط کہانی سے
آفتاب حسین
Apne aap ko dekh raha hoon hairani hairani se
Apne aap ko dekh raha hoon hairani hairani se
Warna aur ta'alluq kya hai mera behte paani se
Ek zara si baat thi lekin tarah tarah ke pech paRe
Kitne kaam aasaan hue hain aur kitni aasani se
Raat bohat din baad aaye hain dil ke tukRe aankhon mein
Raat bohat din baad mile hain yeh angaare paani se
Kab tak apna aap sambhaalein kab tak zabt ki khu daalein
Dil ki baat nikal jaati hai aankhon ki nadani se
Ek hi manzar dekh raha hoon is be-ant kharaabe mein
Ek hi soorat jhaank rahi hai sadiyon ki veerani se
Hum ne bhi harchand bhara hai swaang is khel tamashe mein
Rabt nahin khulta apna kuch is be-rabt kahani se
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں