اصل حالت کا بیاں ظاہر کے سانچوں میں نہیں — آفتاب حسین
شاعر
اصل حالت کا بیاں ظاہر کے سانچوں میں نہیں
اصل حالت کا بیاں ظاہر کے سانچوں میں نہیں
بات جو دل میں ہے میرے میرے لفظوں میں نہیں
اک زمانہ تھا کہ اک دنیا مرے ہم راہ تھی
اور اب دیکھوں تو رستہ بھی نگاہوں میں نہیں
کوئی آسیب بلا ہے شہر پر چھایا ہوا
بوئے آدم زاد تک خالی مکانوں میں نہیں
رفتہ رفتہ سب ہماری راہ پر آتے گئے
بات ہے جو ہم بروں میں اچھے اچھوں میں نہیں
اپنے ہی دم سے چراغاں ہے وگرنہ آفتابؔ
اک ستارہ بھی مری ویران شاموں میں نہیں
آفتاب حسین
Asal haalat ka bayaan zaahir ke saanchon mein nahin
Asal haalat ka bayaan zaahir ke saanchon mein nahin
Baat jo dil mein hai mere mere lafzon mein nahin
Ek zamaana tha ke ek duniya mere hamraah thi
Aur ab dekhoon to rasta bhi nigaahon mein nahin
Koi aaseb balaa hai shehr par chhaaya hua
Bu-e-aadam zaad tak khaali makaanon mein nahin
Rafta rafta sab hamari raah par aate gaye
Baat hai jo hum buron mein achhe achhon mein nahin
Apne hi dam se charaaghaan hai wagarna Aftaab
Ek sitaara bhi meri veeraan shaamon mein nahin
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں