بس ایک بات کی اس کو خبر ضروری ہے — آفتاب حسین
شاعر
بس ایک بات کی اس کو خبر ضروری ہے
بس ایک بات کی اس کو خبر ضروری ہے
کہ وہ ہمارے لیے کس قدر ضروری ہے
دلوں میں درد کی دولت بچا بچا کے رکھو
یہ وہ متاع ہے جو عمر بھر ضروری ہے
نہیں ضرور کہ مقدور ہو تو ساتھ رکھیں
کبھی کبھار مگر نوحہ گر ضروری ہے
کبھی تو کھیل پرندے بھی ہار جاتے ہیں
ہوا کہیں کی بھی ہو مستقر ضروری ہے
یہ کیا ضرور کہ مست اپنے آپ ہی میں رہیں
ادھر ادھر کی بھی کچھ کچھ خبر ضروری ہے
مفر نہیں غم دنیا سے آفتاب حسینؔ
بہت کٹھن ہے یہ منزل مگر ضروری ہے
آفتاب حسین
Bas ek baat ki us ko khabar zaroori hai
Bas ek baat ki us ko khabar zaroori hai
Ke woh hamare liye kis qadar zaroori hai
Dilon mein dard ki daulat bacha bacha ke rakho
Yeh woh mataa' hai jo umr bhar zaroori hai
Nahin zaroor ke maqdoor ho to saath rakhein
Kabhi kabhaar magar noha gar zaroori hai
Kabhi to khel parinde bhi haar jaate hain
Hawa kahin ki bhi ho mustaqar zaroori hai
Yeh kya zaroor ke mast apne aap hi mein rahein
Idhar udhar ki bhi kuch kuch khabar zaroori hai
Mafar nahin gham duniya se Aftaab Husain
Bahut kathin hai yeh manzil magar zaroori hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں