بھلا کب تک یوںہی یہ کار ایثاری کریں گے ہم — آفتاب حسین
شاعر
بھلا کب تک یوںہی یہ کار ایثاری کریں گے ہم
بھلا کب تک یوںہی یہ کار ایثاری کریں گے ہم
کہ وہ چوری کیے جائیں گے اور یاری کریں گے ہم
خلوص خواب و خواہش اب کسی کو خوش نہیں آتا
چلو اچھا ہے آئندہ اداکاری کریں گے ہم
وہ خوشبو ہے تو اس کو چوم کر رکھ لیں گے سینے میں
وہ نشہ ہے تو اپنے آپ پر طاری کریں گے ہم
بہت معصوم ہو تم لیکن اتنا تو سمجھ ہی لو
تم ایسوں سے بھلا کیا کوئی عیاری کریں گے ہم
خمار خواب سے آگے ہی چلنا ہو گیا دوبھر
تمنا کی یہ گٹھری اور کیا بھاری کریں گے ہم
زباں پر ایک مدت سے کسیلا پن تو ہے لیکن
اب ایسا بھی نہیں ہر سمت منہ ماری کریں گے ہم
بہت دن ہو گئے ہیں جاگتی آنکھوں کے خوابوں میں
اب اپنی نیند میں تھوڑی سی بے داری کریں گے ہم
آفتاب حسین
Bhala kab tak yunhi yeh kar-e-isaari karenge hum
Bhala kab tak yunhi yeh kar-e-isaari karenge hum
Ke woh chori kiye jayenge aur yaari karenge hum
Khuloos-e-khwab o khwahish ab kisi ko khush nahi aata
Chalo achcha hai aainda adakari karenge hum
Woh khushboo hai to us ko choom kar rakh lenge seene mein
Woh nasha hai to apne aap par taari karenge hum
Bahut ma'soom ho tum lekin itna to samajh hi lo
Tum aison se bhala kya koi ayyari karenge hum
Khumaar-e-khwab se aage hi chalna ho gaya dubhar
Tamanna ki yeh gathri aur kya bhaari karenge hum
Zubaan par ek muddat se kaseela pan to hai lekin
Ab aisa bhi nahi har samt munh maari karenge hum
Bahut din ho gaye hain jaagti aankhon ke khwabon mein
Ab apni neend mein thodi si bedari karenge hum
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں