چلتے چلتے تھکتے چلے جاتے ہیں ہم — آفتاب حسین
شاعر
چلتے چلتے تھکتے چلے جاتے ہیں ہم
چلتے چلتے تھکتے چلے جاتے ہیں ہم
لیکن جیسے تیسے چلے جاتے ہیں ہم
طے کرتے ہیں اس کے پاس نہیں جانا ہے
اور پھر پھرتے پھرتے چلے جاتے ہیں ہم
سانسوں کے آنے جانے کا کیا قصہ
جینا ہے سو جیے چلے جاتے ہیں ہم
آپ کا چاک ہے آپ کی مٹی آپ بتائیں
بنے ہیں کچھ یا بگڑے چلے جاتے ہیں ہم
کام کوئی ہو پاتا ہے یا نہیں ہو پاتا
اپنی طرف سے کیے چلے جاتے ہیں ہم
اب وہ ہاتھ کہاں ہیں کہاں گئے وہ ہاتھ
کسے پکاریں ڈھے چلے جاتے ہیں ہم
کون ہماری سنتا ہے کس نے سننی ہے
ہم ہیں کہ لیکن کہے چلے جاتے ہیں ہم
آفتاب حسین
Chalte chalte thakte chale jaate hain hum
Chalte chalte thakte chale jaate hain hum
Lekin jaise taise chale jaate hain hum
Tay karte hain us ke paas nahin jaana hai
Aur phir phirte phirte chale jaate hain hum
Saanson ke aane jaane ka kya qissa
Jeena hai so jiye chale jaate hain hum
Aap ka chaak hai aap ki mitti aap bataein
Bane hain kuch ya bigde chale jaate hain hum
Kaam koi ho pata hai ya nahin ho pata
Apni taraf se kiye chale jaate hain hum
Ab woh haath kahan hain kahan gaye woh haath
Kise pukarein dhaye chale jaate hain hum
Kaun hamari sunta hai kis ne sunni hai
Hum hain ke lekin kahe chale jaate hain hum
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں