چٹختا رہتا ہے رات دن جو دماغ میرا — آفتاب حسین
شاعر
چٹختا رہتا ہے رات دن جو دماغ میرا
چٹختا رہتا ہے رات دن جو دماغ میرا
مرے لہو سے بھرا نہ ہو یہ ایاغ میرا
یہ بات اس پر کھلے گی کچھ دیر بعد جا کر
کہ دور جا کر ملے گا مجھ سے سراغ میرا
چلو کہیں تو کھلا ہوا ہے وہ پھول آخر
یہ سوچ کر ہو رہا ہے دل باغ باغ میرا
الجھ رہا تھا لہو سے نشہ خمار بن کر
کسی نے پھر لا کے بھر دیا ہے ایاغ میرا
ہوا جہاں سائیں سائیں کر کے بکھر رہی ہے
کبھی بجھا تھا یہیں کہیں اک چراغ میرا
ضرور کوئی نہ کوئی چکر ہے اس جہاں میں
نظر اٹھاؤں تو گھومتا ہے دماغ میرا
آفتاب حسین
Chatakhta rehta hai raat din jo dimagh mera
Chatakhta rehta hai raat din jo dimagh mera
Mere lahoo se bhara na ho yeh ayagh mera
Yeh baat us par khulegi kuch der baad ja kar
Ke door ja kar milega mujh se suraagh mera
Chalo kahin to khula hua hai woh phool aakhir
Yeh soch kar ho raha hai dil bagh bagh mera
Uljhe raha tha lahoo se nasha khumar ban kar
Kisi ne phir la ke bhar diya hai ayagh mera
Hawa jahan sain sain kar ke bikhar rahi hai
Kabhi bujha tha yahin kahin ek charagh mera
Zaroor koi na koi chakkar hai is jahan mein
Nazar uthaoon to ghoomta hai dimagh mera
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں