چراغ خواب جلاتا ہوا چلا گیا ہوں — آفتاب حسین
شاعر
چراغ خواب جلاتا ہوا چلا گیا ہوں
چراغ خواب جلاتا ہوا چلا گیا ہوں
خود اپنی راہ بناتا ہوا چلا گیا ہوں
دم وداع کوئی بھی نہیں تھا میرے پاس
مگر میں ہاتھ ہلاتا ہوا چلا گیا ہوں
وہی حدیں مجھے تقسیم کرتی جاتی تھیں
میں جن حدوں کو ملاتا ہوا چلا گیا ہوں
میں اپنی موج میں تھا اور بپھر رھی تھی وہ لہر
سو اس کو ساتھ بہاتا ہوا چلا گیا ہوں
کسی خیال کی خوشبو تھی اور کچھ بھی نہ تھا
جہاں میں رنگ اڑاتا ہوا چلا گیا ہوں
مجھے نہ ڈھونڈھ مرے دشت نا مراد نہ ڈھونڈھ
میں اور ہی کہیں آتا ہوا چلا گیا ہوں
پلٹ بھی سکتا ہوں ہرچند آفتاب حسینؔ
خود اپنے نقش مٹاتا ہوا چلا گیا ہوں
آفتاب حسین
Chiragh-e-khwaab jalata hua chala gaya hoon
Chiragh-e-khwaab jalata hua chala gaya hoon
Khud apni raah banata hua chala gaya hoon
Dam-e-widaa koi bhi nahin tha mere paas
Magar main haath hilata hua chala gaya hoon
Wahi hadein mujhe taqseem karti jaati thheeen
Main jin hadon ko milata hua chala gaya hoon
Main apni mauj mein tha aur biphhar rahi thi woh lehar
So us ko saath bahata hua chala gaya hoon
Kisi khayal ki khushboo thi aur kuch bhi na tha
Jahan main rang udata hua chala gaya hoon
Mujhe na dhoondh mere dasht-e-namurad na dhoondh
Main aur hi kahin aata hua chala gaya hoon
Palat bhi sakta hoon harchand Aftab Husain
Khud apne naqsh mitata hua chala gaya hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں