دے رہے ہیں جس کو توپوں کی سلامی آدمی — آفتاب حسین
شاعر
دے رہے ہیں جس کو توپوں کی سلامی آدمی
دے رہے ہیں جس کو توپوں کی سلامی آدمی
کیا کہوں تم سے کہ ہے کتنا حرامی آدمی
بھیڑ چھٹ جائے گی تب اس کی سمجھ میں آئے گا
ایک اکیلا آدمی ہے اژدہامی آدمی
کیا دکھاتے ہو میاں، پرچہ ہمیں اخبار کا
ہم نے دیکھے ہیں بہت نامی گرامی آدمی
پاؤں میں جوتا نہیں ہے، پیٹ میں روٹی نہیں
لے کے کیا چاٹے گا خالی نیک نامی آدمی
اٹھ کے جا بیٹھا وہی اشرافیہ کی گود میں
ہم غریبوں نے جسے سمجھا عوامی آدمی
قیس صاحب کس لیے بھٹکیں گے نجد شوق میں
مل ہی جائے گا کوئی ہم سا مقامی آدمی
دل کہ ہے شیرازۂ ہستی ہوا کی زد پہ ہے
آدمی، اے آدمی، اے انتظامی آدمی
آفتاب حسین
De rahe hain jis ko topoon ki salaami aadmi
De rahe hain jis ko topoon ki salaami aadmi
Kya kahoon tum se ke hai kitna haraami aadmi
Bheed chhat jaayegi tab us ki samajh mein aayega
Ek akela aadmi hai azdahaami aadmi
Kya dikhaate ho miyaan, parcha hamein akhbaar ka
Hum ne dekhe hain bahut naam-o-girami aadmi
Paaoon mein joota nahin hai, pet mein roti nahin
Le ke kya chaatega khaali nek-naami aadmi
Uth ke ja baitha wohi ashrafia ki god mein
Hum gharibon ne jise samjha awaami aadmi
Qais Saahib kis liye bhatkein ge Najd-e-shauq mein
Mil hi jaayega koi hum sa muqaami aadmi
Dil ke hai shiraaza-e-hasti hawa ki zad pe hai
Aadmi, aye aadmi, aye intizaami aadmi
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں