دیکھے کوئی تعلق خاطر کے رنگ بھی — آفتاب حسین
شاعر
دیکھے کوئی تعلق خاطر کے رنگ بھی
دیکھے کوئی تعلق خاطر کے رنگ بھی
اس فتنہ خو سے پیار بھی ہے اور جنگ بھی
دل ہی نہیں ہے اس کے تصور میں شاد کام
اک سر خوشی میں جھومتا ہے انگ انگ بھی
کچھ ربط خاص اصل کا ظاہر کے ساتھ ہے
خوشبو اڑے تو اڑتا ہے پھولوں کا رنگ بھی
ایسا نہیں کہ آٹھ پہر بے دلی رہے
بجتے ہیں غم کدے میں کبھی جل ترنگ بھی
دیکھا ہے آج اس نے مجھے مڑ کے آفتابؔ
اس واقعے پہ خوش بھی ہوں میں اور دنگ بھی
آفتاب حسین
Dekhe koi taalluq-e-khaatir ke rang bhi
Dekhe koi taalluq-e-khaatir ke rang bhi
Is fitna-kho se pyaar bhi hai aur jang bhi
Dil hi nahin hai us ke tasavvur mein shaad-kaam
Ek sar-khushi mein jhoomta hai ang ang bhi
Kuchh rabt-e-khaas asl ka zaahir ke saath hai
Khushboo ude to udta hai phoolon ka rang bhi
Aisa nahin ke aath pehar be-dili rahe
Bajte hain gham-kade mein kabhi jal-tarang bhi
Dekha hai aaj us ne mujhe mud ke Aftaab
Is waqiye pe khush bhi hoon main aur dang bhi
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں