دیکھتے رہتے ہیں یوں دیدۂ نم سے کوئی خواب — آفتاب حسین
شاعر
دیکھتے رہتے ہیں یوں دیدۂ نم سے کوئی خواب
دیکھتے رہتے ہیں یوں دیدۂ نم سے کوئی خواب
جس طرح ہم نے بدل رکھا ہو غم سے کوئی خواب
کس سے کہیے یہ پریشاں نظری سی کیا ہے
کسی عجلت میں کہیں کھو گیا ہم سے کوئی خواب
پھیر لی تو نے نظر اور نہ کھلا یہ تجھ پر
باندھ رکھا تھا تری چشم کرم سے کوئی خواب
دل میں اترے کئی خنجر سے تمناؤں کے
اور آنکھوں میں چلے تیغ دو دم سے کوئی خواب
یہ جو ہونے میں نہ ہونا سا نظر آتا ہے
کہیں ٹکرا گیا ہے خواب عدم سے کوئی خواب
جانے کس عمر میں تعبیر کا دن آئے گا
لیے پھرتا ہوں کسی پچھلے جنم سے کوئی خواب
آفتاب حسین
Dekhte rehte hain yun dida-e-nam se koi khwab
Dekhte rehte hain yun dida-e-nam se koi khwab
Jis tarah hum ne badal rakha ho gham se koi khwab
Kis se kahiye yeh pareshan nazri si kya hai
Kisi ujlat mein kahin kho gaya hum se koi khwab
Pher li tu ne nazar aur na khula yeh tujh par
Baandh rakha tha teri chashm-e-karam se koi khwab
Dil mein utre kai khanjar se tamannaon ke
Aur aankhon mein chale tegh-e-do-dam se koi khwab
Yeh jo hone mein na hona sa nazar aata hai
Kahin takra gaya hai khwab-e-adam se koi khwab
Jaane kis umar mein taabeer ka din aayega
Liye phirta hoon kisi pichle janam se koi khwab
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں