دھوپ جب ڈھل گئی تو سایہ نہیں — آفتاب حسین
شاعر
دھوپ جب ڈھل گئی تو سایہ نہیں
دھوپ جب ڈھل گئی تو سایہ نہیں
یہ تعلق تو کوئی رشتہ نہیں
لوگ کس کس طرح سے زندہ ہیں
ہمیں مرنے کا بھی سلیقہ نہیں
سوچیے تو ہزار پہلو ہیں
دیکھیے بات اتنی سادہ نہیں
خواب بھی اس طرف نہیں آتے
اس مکاں میں کوئی دریچہ نہیں
چلو مر کر کہیں ٹھکانے لگیں
ہم کہ جن کا کوئی ٹھکانا نہیں
منزلیں بھی نہیں مقدر میں
اور پلٹنا ہمیں گوارا نہیں
دوسروں سے بھی ربط ضبط رکھیں
زندگی ہے کوئی جزیرہ نہیں
کب بھٹک جائے آفتابؔ حسین
آدمی کا کوئی بھروسہ نہیں
آفتاب حسین
Dhoop jab dhal gayi to saaya nahin
Dhoop jab dhal gayi to saaya nahin
Yeh ta'alluq to koi rishta nahin
Log kis kis tarah se zinda hain
Hamein marne ka bhi saleeqa nahin
Sochiye to hazaar pehlu hain
Dekhiye baat itni saada nahin
Khwab bhi is taraf nahin aate
Is makaan mein koi dareecha nahin
Chalo mar kar kahin thikaane lagen
Hum ke jin ka koi thikaana nahin
Manzilein bhi nahin muqaddar mein
Aur palatna hamein gawaara nahin
Doosron se bhi rabt zabt rakhein
Zindagi hai koi jazeera nahin
Kab bhatak jaaye Aftaab Husain
Aadmi ka koi bharosa nahin
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں