دلوں میں اب اگر ایسے خلا کی لعنت ہے — آفتاب حسین
شاعر
دلوں میں اب اگر ایسے خلا کی لعنت ہے
دلوں میں اب اگر ایسے خلا کی لعنت ہے
یہ زندگانی نہیں ہے خدا کی لعنت ہے
ہمیں خبر ہے کہ انجام کار کیا ہو گا
شروع کار ہے اور انتہا کی لعنت ہے
قیام کیسے کریں ہم قرار کیسے ہو
نصیب میں ہی اگر جابجا کی لعنت ہے
ہمارے پاؤں زمیں پر جمے تو کیسے جمے
یہ وہ زمین ہے جس میں بلا کی لعنت ہے
تم اپنے حبس کی حالت میں گھٹ کے مر رہے ہو
میں جس جگہ ہوں وہاں پر ہوا کی لعنت ہے
دعا کرو کوئی دشمن نصیب ہو جائے
کہ آشنا پہ یہاں آشنا کی لعنت ہے
نکلتے جاتے ہیں سب اور آفتاب حسینؔ
ہمارے ساتھ ابھی تک وفا کی لعنت ہے
آفتاب حسین
Dilon mein ab agar aise khala ki la'nat hai
Dilon mein ab agar aise khala ki la'nat hai
Ye zindagani nahin hai Khuda ki la'nat hai
Hamein khabar hai ke anjaam-e-kaar kya hoga
Shuroo-e-kaar hai aur intiha ki la'nat hai
Qiyaam kaise karein hum qaraar kaise ho
Naseeb mein hi agar ja-ba-ja ki la'nat hai
Hamare paaon zameen par jame to kaise jame
Ye woh zameen hai jis mein bala ki la'nat hai
Tum apne habs ki haalat mein ghut ke mar rahe ho
Main jis jagah hoon wahan par hawa ki la'nat hai
Dua karo koi dushman naseeb ho jaye
Ke aashna pe yahan aashna ki la'nat hai
Nikalte jaate hain sab aur Aftab Husain
Hamare saath abhi tak wafa ki la'nat hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں