فصیل شہر تمنا میں در بناتے ہوئے — آفتاب حسین
شاعر
فصیل شہر تمنا میں در بناتے ہوئے
فصیل شہر تمنا میں در بناتے ہوئے
یہ کون دل میں در آیا ہے گھر بناتے ہوئے
نشیب چشم تماشا بنا گیا مجھ کو
کہیں بلندی ایام پر بناتے ہوئے
میں کیا کہوں کہ ابھی کوئی پیش رفت نہیں
گزر رہا ہوں ابھی رہ گزر بناتے ہوئے
کسے خبر ہے کہ کتنے نجوم ٹوٹ گرے
شب سیاہ سے رنگ سحر بناتے ہوئے
پتے کی بات بھی منہ سے نکل ہی جاتی ہے
کبھی کبھی کوئی جھوٹی خبر بناتے ہوئے
مگر یہ دل مرا یہ طائر بہشت مرا
اتر ہی آیا کہیں مستقر بناتے ہوئے
دلوں کے باب میں کیا دخل آفتاب حسینؔ
سو بات پھیل گئی مختصر بناتے ہوئے
آفتاب حسین
Faseel-e-shehr-e-tamanna mein dar banaate hue
Faseel-e-shehr-e-tamanna mein dar banaate hue
Yeh kaun dil mein dar aaya hai ghar banaate hue
Nisheb chashm-e-tamasha bana gaya mujh ko
Kahin bulandi-e-ayyam par banaate hue
Main kya kahoon ke abhi koi pesh-raft nahin
Guzar raha hoon abhi rah-guzar banaate hue
Kise khabar hai ke kitne nujoom toot gire
Shab-e-siyah se rang-e-sahar banaate hue
Patte ki baat bhi munh se nikal hi jaati hai
Kabhi kabhi koi jhooti khabar banaate hue
Magar yeh dil mera yeh taa-ir-e-bahisht mera
Utar hi aaya kahin mustaqar banaate hue
Dilon ke baab mein kya dakhl Aftaab Husain
So baat phail gai mukhtasar banaate hue
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں