گئے منظروں سے یہ کیا اڑا ہے نگاہ میں — آفتاب حسین
شاعر
گئے منظروں سے یہ کیا اڑا ہے نگاہ میں
گئے منظروں سے یہ کیا اڑا ہے نگاہ میں
کوئی عکس ہے کہ غبار سا ہے نگاہ میں
ہمہ وقت اپنی شبیہ کے ہوں میں روبرو
کوئی اشک ہے کہ یہ آئینہ ہے نگاہ میں
کوئی شہر خواب گزر رہا ہے خیال سے
کوئی دشت شام سلگ رہا ہے نگاہ میں
کف درد سے غم کائنات کی گرد سے
وہی مٹ رہا ہے جو نقش سا ہے نگاہ میں
کوئی تیرگی ہے فرات جاں میں رواں دواں
مگر اک چراغ سا تیرتا ہے نگاہ میں
گئے موسموں کی وہ سبز رنگ حکایتیں
کوئی آب سرخ سے لکھ گیا ہے نگاہ میں
آفتاب حسین
Gaye manzaron se yeh kya uda hai nigaah mein
Gaye manzaron se yeh kya uda hai nigaah mein
Koi aks hai ke ghubaar sa hai nigaah mein
Hama waqt apni shabeeh ke hoon main roobaroo
Koi ashk hai ke yeh aaiyna hai nigaah mein
Koi shehr-e-khwaab guzar raha hai khayal se
Koi dasht-e-shaam sulag raha hai nigaah mein
Kaf-e-dard se gham-e-kaainaat ki gard se
Wahi mit raha hai jo naqsh sa hai nigaah mein
Koi teergi hai Furaat-e-jaan mein rawaan dawaan
Magar ek charagh sa teerta hai nigaah mein
Gaye mausamon ki woh sabz rang hikaayatein
Koi aab-e-surkh se likh gaya hai nigaah mein
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں