غرور یہ بھی ہنر سے نکلتا جاتا ہے — آفتاب حسین
شاعر
غرور یہ بھی ہنر سے نکلتا جاتا ہے
غرور یہ بھی ہنر سے نکلتا جاتا ہے
کوئی نشہ ہے کہ سر سے نکلتا جاتا ہے
رواں رہوں گا اسی یاد کے تعاقب میں
کہ خواب کوئی نظر سے نکلتا جاتا ہے
نظر اسی کے نظارے میں محو رہتی ہے
جو شخص میری خبر سے نکلتا جاتا ہے
میں لڑکھڑا کے پھر آیا ہوں اپنے رستہ پر
جو دل میں ڈر تھا سفر سے نکلتا جاتا ہے
بجھی نہیں مرے دل میں جب اس عذاب کی آگ
دھواں سا کیوں مرے سر سے نکلتا جاتا ہے
فضائے تیرہ میں وہ آگ کا پرندہ ہوں
کہ راستہ مرے پر سے نکلتا جاتا ہے
یہاں تو کچھ بھی نہ تھا گرد آرزو کے سوا
یہ راستہ سا کدھر سے نکلتا جاتا ہے
آفتاب حسین
Ghuroor ye bhi hunar se nikalta jaata hai
Ghuroor ye bhi hunar se nikalta jaata hai
Koi nasha hai ke sar se nikalta jaata hai
Rawan rahoonga isi yaad ke taaqqub mein
Ke khwaab koi nazar se nikalta jaata hai
Nazar isi ke nazare mein mahv rehti hai
Jo shakhs meri khabar se nikalta jaata hai
Main ladkhada ke phir aaya hoon apne rasta par
Jo dil mein dar tha safar se nikalta jaata hai
Bujhi nahin mere dil mein jab us azaab ki aag
Dhuan sa kyun mere sar se nikalta jaata hai
Faza-e-tira mein woh aag ka parinda hoon
Ke raasta mere par se nikalta jaata hai
Yahan to kuch bhi na tha gard-e-aarzoo ke siwa
Ye raasta sa kidhar se nikalta jaata hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں