گزرتے وقت کی کوئی نشانی ساتھ رکھتا ہوں — آفتاب حسین
شاعر
گزرتے وقت کی کوئی نشانی ساتھ رکھتا ہوں
گزرتے وقت کی کوئی نشانی ساتھ رکھتا ہوں
کہ میں ٹھہراؤ میں بھی اک روانی ساتھ رکھتا ہوں
سمجھ میں خود مری آتا نہیں حالات کا چکر
مکاں رکھتا نہیں ہوں لا مکانی ساتھ رکھتا ہوں
گزرنا ہے مجھے کتنے غبار آلود رستوں سے
سو اپنی آنکھ میں تھوڑا سا پانی ساتھ رکھتا ہوں
فنا ہونا اگر لکھا گیا ہے میرے ہونے میں
تو میں تجھ کو بھی اے دنیائے فانی ساتھ رکھتا ہوں
آفتاب حسین
Guzarte waqt ki koi nishaani saath rakhta hoon
Guzarte waqt ki koi nishaani saath rakhta hoon
Ke main thehraao mein bhi ek rawaani saath rakhta hoon
Samajh mein khud meri aata nahin haalaat ka chakkar
Makaan rakhta nahin hoon la-makaani saath rakhta hoon
Guzarna hai mujhe kitne ghubaar aalood raston se
So apni aankh mein thoda sa paani saath rakhta hoon
Fana hona agar likha gaya hai mere hone mein
To main tujh ko bhi ae dunya-e-faani saath rakhta hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں