ہمارے دل میں کوئی یاد ہے تو کس لیے ہے — آفتاب حسین
شاعر
ہمارے دل میں کوئی یاد ہے تو کس لیے ہے
ہمارے دل میں کوئی یاد ہے تو کس لیے ہے
یہ دل جو یاد سے آباد ہے تو کس لیے ہے
ہمارے سر پہ ہی کیوں آسمان ٹوٹتا ہے
زمین کی کوئی بنیاد ہے تو کس لیے ہے
وہی پہاڑ سی راتیں وہی پہاڑ سے دن
اگر کہیں کوئی فریاد ہے تو کس لیے ہے
میں اپنے سر پہ گرا ہوں عذاب کے مانند
مرے لیے کوئی افتاد ہے تو کس لیے ہے
وہ سامنے تھا تو ہر اک کو چپ لگی ہوئی تھی
چلا گیا ہے تو فریاد ہے تو کس لیے ہے
مرے وجود پہ بیداد کرنے والوں کی
مرے کلام پہ یہ داد ہے تو کس لیے ہے
آفتاب حسین
Hamare dil mein koi yaad hai to kis liye hai
Hamare dil mein koi yaad hai to kis liye hai
Yeh dil jo yaad se aabaad hai to kis liye hai
Hamare sar pe hi kyon aasman toot'ta hai
Zameen ki koi bunyaad hai to kis liye hai
Wohi pahaad si raatein wohi pahaad se din
Agar kahin koi faryaad hai to kis liye hai
Main apne sar pe gira hoon azaab ke manind
Mere liye koi iftaad hai to kis liye hai
Woh saamne tha to har ek ko chup lagi hui thi
Chala gaya hai to faryaad hai to kis liye hai
Mere wajood pe bedaad karne walon ki
Mere kalam pe yeh daad hai to kis liye hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں