ہر پھول ہے ہواؤں کے رخ پر کھلا ہوا — آفتاب حسین
شاعر
ہر پھول ہے ہواؤں کے رخ پر کھلا ہوا
ہر پھول ہے ہواؤں کے رخ پر کھلا ہوا
اور میں ہوں اپنے خواب کے اندر کھلا ہوا
یہ میں جو رات دن نہیں اپنے حواس میں
وہ باغ ہے ضرور کہیں پر کھلا ہوا
کچھ میرے سر کو بھی تھی مہک سی چڑھی ہوئی
کچھ وہ بھی سامنے تھا برابر کھلا ہوا
خوابوں میں خوشبوئیں سی خیالوں میں رنگ سے
یہ باغ ہو اگر کہیں باہر کھلا ہوا
کن منظروں میں مجھ کو مہکنا تھا آفتابؔ
کس ریگزار پر ہوں میں آ کر کھلا ہوا
آفتاب حسین
Har phool hai hawaaon ke rukh par khula hua
Har phool hai hawaaon ke rukh par khula hua
Aur main hoon apne khwaab ke andar khula hua
Yeh main jo raat din nahin apne hawaas mein
Woh baagh hai zaroor kahin par khula hua
Kuchh mere sar ko bhi thi mehak si charhi hui
Kuchh woh bhi saamne tha barabar khula hua
Khwaabon mein khushbooen si khayalon mein rang se
Yeh baagh ho agar kahin bahar khula hua
Kin manzaron mein mujh ko mehakna tha Aftaab
Kis regzaar par hoon main aa kar khula hua
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں