اک خواب سے گزر کر اک بے خودی سے ہو کر — آفتاب حسین
شاعر
اک خواب سے گزر کر اک بے خودی سے ہو کر
اک خواب سے گزر کر اک بے خودی سے ہو کر
خود سے نکل گیا ہوں اس کی گلی سے ہو کر
زنجیر پاؤں میں تھی چکر تھا میرے سر میں
چلتا چلا گیا ہوں کس زندگی سے ہو کر
اک درد میرے دل پر دستک سی دے رہا تھا
اک غم نکل رہا تھا میری خوشی سے ہو کر
ٹکڑوں میں بٹ گیا ہوں اندر سے کٹ گیا ہوں
میں کس جنوں میں پڑ کر کس آگہی سے ہو کر
سینے پہ پاؤں رکھ کر چلتی ہے میرے دنیا
جیسے نکل رہے ہوں رستے مجھی سے ہو کر
لہرا رہے ہیں کیا کیا سایہ سے اپنے سر میں
یہ ہم گزر رہے ہیں کس روشنی سے ہو کر
آنا ہمارا کیا ہے ہونا ہمارا کیا ہے
لیکن ہم آ گئے ہیں تیری خوشی سے ہو کر
آفتاب حسین
Ik khwab se guzar kar ik be-khudi se ho kar
Ik khwab se guzar kar ik be-khudi se ho kar
Khud se nikal gaya hoon us ki gali se ho kar
Zanjeer paaon mein thi chakkar tha mere sar mein
Chalta chala gaya hoon kis zindagi se ho kar
Ik dard mere dil par dastak si de raha tha
Ik gham nikal raha tha meri khushi se ho kar
Tukron mein bat gaya hoon andar se kat gaya hoon
Main kis junoon mein pad kar kis aagahi se ho kar
Seene pe paaon rakh kar chalti hai mere duniya
Jaise nikal rahe hon raste mujhi se ho kar
Lehra rahe hain kya kya saaya se apne sar mein
Yeh hum guzar rahe hain kis roshni se ho kar
Aana hamara kya hai hona hamara kya hai
Lekin hum aa gaye hain teri khushi se ho kar
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں