اس کج دماغ سے نہیں ملنے کا تھا دماغ — آفتاب حسین
شاعر
اس کج دماغ سے نہیں ملنے کا تھا دماغ
اس کج دماغ سے نہیں ملنے کا تھا دماغ
دل دل سے مل گیا نہ مگر مل سکا دماغ
ہفت آسماں کی سیر تھی اس اک نگاہ میں
اک بار تو ہمارا بھی چکرا گیا دماغ
اپنی تو کچھ سمجھ میں نہ آیا یہ ہیر پھیر
اے بھائی اس حساب میں تو ہی لڑا دماغ
سفلہ سروں کی چلتی ہے ورنہ تو شہر میں
کیا کیا پڑا ہوا ہے بڑے سے بڑا دماغ
رہتے زمین پر ہیں نظر آسماں پہ ہے
پایہ ہے سرپھروں نے ترے دیکھ کیا دماغ
ایسا نشہ کہاں ہے شرابوں ورابوں میں
دیکھے سے اک نظر اسے تر ہو گیا دماغ
کیا کان دھرئیے ناصح ناداں کی بات پر
ہے اس کی کھوپڑی میں کسی بیل کا دماغ
یہ کام صرف میرؔ سر سوختہ کا ہے
اے دل نہ اس زمین میں ناحق جلا دماغ
آفتاب حسین
Is kaj-dimagh se nahin milne ka tha dimagh
Is kaj-dimagh se nahin milne ka tha dimagh
Dil dil se mil gaya na magar mil saka dimagh
Haft aasman ki sair thi is ek nigah mein
Ek baar to hamara bhi chhakra gaya dimagh
Apni to kuch samajh mein na aaya yeh her-pher
Aye bhai is hisaab mein tu hi lada dimagh
Sifla saroon ki chalti hai warna to shehar mein
Kya kya pada hua hai bade se bada dimagh
Rehte zameen par hi hain nazar aasman pe hai
Paaya hai sar-phiron ne tere dekh kya dimagh
Aisa nasha kahan hai sharabon warabon mein
Dekhe se ek nazar use tar ho gaya dimagh
Kya kaan dhariye naaseh-e-nadaan ki baat par
Hai us ki khopri mein kisi bail ka dimagh
Yeh kaam sirf Mir sar-sokhta ka hai
Aye dil na is zameen mein nahak jala dimagh
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں