جب سفر سے لوٹ کر آنے کی تیاری ہوئی — آفتاب حسین
شاعر
جب سفر سے لوٹ کر آنے کی تیاری ہوئی
جب سفر سے لوٹ کر آنے کی تیاری ہوئی
بے تعلق تھی جو شے وہ بھی بہت پیاری ہوئی
چار سانسیں تھیں مگر سینے کو بوجھل کر گئیں
دو قدم کی یہ مسافت کس قدر بھاری ہوئی
ایک منظر ہے کہ آنکھوں سے سرکتا ہی نہیں
ایک ساعت ہے کہ ساری عمر پر طاری ہوئی
اس طرح چالیں بدلتا ہوں بساط دہر پر
جیت لوں گا جس طرح یہ زندگی ہاری ہوئی
کن طلسمی راستوں میں عمر کاٹی آفتابؔ
جس قدر آساں لگا اتنی ہی دشواری ہوئی
آفتاب حسین
Jab safar se laut kar aane ki taiyari hui
Jab safar se lauṭ kar aane ki taiyari hui
Be-ta'alluq thi jo shai woh bhi bahut pyari hui
Char saansein thin magar seene ko bojhal kar gayin
Do qadam ki yeh musafat kis qadar bhaari hui
Ek manzar hai ke aankhon se sarakta hi nahin
Ek sa'at hai ke saari umar par taari hui
Is tarah chalen badalta hoon bisat-e-dahr par
Jeet loon ga jis tarah yeh zindagi haari hui
Kin tilismi raaston mein umar kaati Aftab,
Jis qadar aasaan laga utni hi dushwari hui
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں