کڑک رہا تھا فلک اور زمیں لرز رہی تھی — آفتاب حسین
شاعر
کڑک رہا تھا فلک اور زمیں لرز رہی تھی
کڑک رہا تھا فلک اور زمیں لرز رہی تھی
مگر وہ خواب کی دنیا نہیں لرز رھی تھی
وفور شوق تھا خوف خدا تھا یا کیا تھا
خیال سجدہ سے میری جبیں لرز رھی تھی
اک ارتعاش سا جوڑے ہوئے تھا جسموں کو
میں تھرتھرایا کہیں وہ کہیں لرز رہی تھی
نکل گیا تھا کہیں اور سرسرا کے وہ سانپ
ذرا سا لمس تھا اور آستیں لرز رہی تھی
درخت تن کے کھڑا تھا قدم جمائے ہوئے
مگر وہ شاخ کہ اپنے تئیں لرز رہی تھی
کنار چشم سے دریا رکا رکا ہوا تھا
مگر وہ موج کہ تھی تہ نشیں لرز رہی تھی
چراغ بجھتا چلا جا رہا تھا آنکھوں میں
اور اس کی لو مرے دل میں کہیں لرز رہی تھی
سکوت مرگ کا عالم تھا آفتاب حسینؔ
دم وداع وہ چشم حسیں لرز رہی تھی
آفتاب حسین
Kadak raha tha falak aur zameen laraz rahi thi
Kadak raha tha falak aur zameen laraz rahi thi
Magar woh khwab ki duniya nahin laraz rahi thi
Wafur-e-shauq tha khauf-e-Khuda tha ya kya tha
Khayal-e-sajda se meri jabeen laraz rahi thi
Ek irteash sa jode hue tha jismon ko
Main thartharaya kahin woh kahin laraz rahi thi
Nikal gaya tha kahin aur sarsara ke woh saanp
Zara sa lams tha aur aasteen laraz rahi thi
Darakht tan ke khada tha qadam jamaye hue
Magar woh shaakh ke apne taeen laraz rahi thi
Kinar-e-chashm se darya ruka ruka hua tha
Magar woh mauj ke teh-nasheen laraz rahi thi
Charagh bujhta chala ja raha tha aankhon mein
Aur us ki lau mere dil mein kahin laraz rahi thi
Sukoot-e-marg ka alam tha Aftab Hussain
Dam-e-widaa woh chashm-e-haseen laraz rahi thi
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں