کہاں مرنا تھا مجھے اور کدھر آتا ہوا ہوں — آفتاب حسین
شاعر
کہاں مرنا تھا مجھے اور کدھر آتا ہوا ہوں
کہاں مرنا تھا مجھے اور کدھر آتا ہوا ہوں
سر پٹکتا ہوا اپنے ہی سر آتا ہوا ہوں
اور کچھ دیر میں معدوم کی حد پر ہوں گا
دیکھ لو مجھ کو اگر میں نظر آتا ہوا ہوں
چلتا جاتا ہوں مسلسل کسی ویرانے کو
اور لگتا ہے مجھے جیسے گھر آتا ہوا ہوں
منظر خواب سمٹ آ مری آنکھوں میں کہ میں
ڈگمگاتا ہوا ہوں راہ پر آتا ہوا ہوں
سامنے کی کسی دیوار سے ٹکراتا ہوا
میں کہیں اپنے ہی اندر اتر آتا ہوا ہوں
منتظر اب کہیں آنکھیں ہیں نہ چہرہ میرے
جس طرف کوئی نہیں ہے ادھر آتا ہوا ہوں
واپسی کا کوئی رستہ ہی نہیں ہے لیکن
حیف صد حیف کہ میں لوٹ کر آتا ہوا ہوں
آفتاب حسین
Kahan marna tha mujhe aur kidhar aata hua hoon
Kahan marna tha mujhe aur kidhar aata hua hoon
Sar paTakta hua apne hi sar aata hua hoon
Aur kuch der mein ma'doom ki hadd par hoon ga
Dekh lo mujh ko agar main nazar aata hua hoon
Chalta jata hoon musalsal kisi veerane ko
Aur lagta hai mujhe jaise ghar aata hua hoon
Manzar khwaab samet aa mere aankhon mein ke main
Dagmagata hua hoon raah par aata hua hoon
Samne ki kisi deewar se takrata hua
Main kahin apne hi andar utar aata hua hoon
Muntazir ab kahin aankhen hi hain na chehra mere
Jis taraf koi nahi hai udhar aata hua hoon
Wapasi ka koi rasta hi nahi hai lekin
Haif sad haif ke main lauT kar aata hua hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں