کہیں کہیں جو ذرا حاشیہ چڑھا ہوا ہے — آفتاب حسین
شاعر
کہیں کہیں جو ذرا حاشیہ چڑھا ہوا ہے
کہیں کہیں جو ذرا حاشیہ چڑھا ہوا ہے
بیان میرا ہے لیکن بڑھا چڑھا ہوا ہے
یوںہی نہیں ہے لہو میں یہ لہر مستی کی
کسی کے ہاتھ پہ رنگ حنا چڑھا ہوا ہے
یوںہی نہیں ہے یہ لفظوں میں لڑکھڑاہٹ سی
کسی کے دھیان میں ہوں اور نشہ چڑھا ہوا ہے
وہی اب آن کے تریاق کچھ کرے تو کرے
وہ سانپ جس کا مجھے زہر سا چڑھا ہوا ہے
وہی ہیں ہم وہی بستر ہے اپنے خوابوں کا
غلاف ہی ہے فقط جو نیا چڑھا ہوا ہے
دعائیں ہم نے تو مانگی تھیں ابر رحمت کی
یہ کیا کہ شہر پہ سیل بلا چڑھا ہوا ہے
میں نیچے والے پہ چڑھ دوڑتا ہوں سوچتا ہوں
کہ میرے سر پہ بھی مجھ سے بڑا چڑھا ہوا ہے
یہ قوم ہے کہ سواری کا جانور ہے کوئی
کہ ایک اتر گیا ہے دوسرا چڑھا ہوا ہے
زمین پر ہی پٹخ دوں نہ آسمان کو میں
کہ یہ شریر مرے سر پہ کیا چڑھا ہوا ہے
بہک رہا ہوں اگر میں مئے محبت سے
فقیہ شہر کو خوف خدا چڑھا ہوا ہے...
اتار پر ہی سمجھیے رفاقتوں کا نشہ
کہ دیکھتے ہیں جسے بھی چڑھا چڑھا ہوا ہے
اب اپنی موج میں ہوں میں خبر نہیں مجھ کو
اتر گیا ہے وہ دریا سا یا چڑھا ہوا ہے
آفتاب حسین
Kahin kahin jo zara hashiya chadha hua hai
Kahin kahin jo zara hashiya chadha hua hai
Bayaan mera hai lekin badha chadha hua hai
Yun hi nahin hai lahoo mein yeh lehar masti ki
Kisi ke haath pe rang-e-hina chadha hua hai
Yun hi nahin hai yeh lafzon mein ladkhadahat si
Kisi ke dhyan mein hoon aur nasha chadha hua hai
Wohi ab aa ke taryaaq kuch kare to kare
Woh saamp jis ka mujhe zehar sa chadha hua hai
Wohi hain hum wohi bistar hai apne khwabon ka
Ghilaaf hi hai faqat jo naya chadha hua hai
Duaain hum ne to maangi thin abr-e-rehmat ki
Yeh kya ke shehar pe sail-e-bala chadha hua hai
Main neeche wale pe chadh daudta hoon sochta hoon
Ke mere sar pe bhi mujh se bada chadha hua hai
Yeh qaum hai ke sawari ka jaanwar hai koi
Ke ek utar gaya hai doosra chadha hua hai
Zameen par hi patakh doon na aasman ko main
Ke yeh shareer mere sar pe kya chadha hua hai
Behak raha hoon agar main mai-e-mohabbat se
Faqeeh-e-shehar ko khauf-e-khuda chadha hua hai...
Utar par hi samjhiye rafaqaton ka nasha
Ke dekhte hain jise bhi chadha chadha hua hai
Ab apni mauj mein hoon main khabar nahin mujh ko
Utar gaya hai woh darya sa ya chadha hua hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں