کمی رکھتا ہوں اپنے کام کی تکمیل میں — آفتاب حسین
شاعر
کمی رکھتا ہوں اپنے کام کی تکمیل میں
کمی رکھتا ہوں اپنے کام کی تکمیل میں
مبادا آپ کھو جاؤں کہیں تمثیل میں
بہت شدت رہی پہلے کنار چشم تک
امڈ آیا ہے اب وہ سیل رود نیل میں
مکان جاں لرزتا ہے ہوائے ہجر سے
چراغ یاد کو رکھیں گے کس قندیل میں
یہ گھڑیاں آہ پہ مجھ سے گریزاں ہیں اگر
تو پھر میں کیوں رہوں گا وقت کی تحویل میں
عذاب برق و باراں تھا اندھیری رات تھی
رواں تھیں کشتیاں کس شان سے اس جھیل میں
آفتاب حسین
Kami rakhta hoon apne kaam ki takmeel mein
Kami rakhta hoon apne kaam ki takmeel mein
Mabada aap kho jaaun kahin tamseel mein
Bahut shiddat rahi pehle kinaar-e-chashm tak
Umaḍ aaya hai ab woh sail-e-raud-e-neel mein
Makaan-e-jaan larazta hai hawa-e-hijr se
Chiragh-e-yaad ko rakhenge kis qandeel mein
Yeh ghaṛiyan aah pe mujh se gurezaan hain agar
Toh phir main kyun rahoon ga waqt ki tehweel mein
Azaab-e-barq-o-baran tha andheri raat thi
Rawan thin kishtiyan kis shaan se us jheel mein
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں