کرتا کچھ اور ہے وہ دکھاتا کچھ اور ہے — آفتاب حسین
شاعر
کرتا کچھ اور ہے وہ دکھاتا کچھ اور ہے
کرتا کچھ اور ہے وہ دکھاتا کچھ اور ہے
دراصل سلسلہ پس پردہ کچھ اور ہے
ہر دم تغیرات کی زد میں ہے کائنات
دیکھیں پلک جھپک کے تو نقشہ کچھ اور ہے
جو کچھ نگاہ میں ہے حقیقت میں وہ نہیں
جو تیرے سامنے ہے تماشا کچھ اور ہے
رکھ وادئ جنوں میں قدم پھونک پھونک کر
اے بے خبر سنبھل کہ یہ رشتہ کچھ اور ہے
تحریر اور کچھ ہے سر متن زندگی
اور حاشیے میں ہے جو حوالہ کچھ اور ہے
ہر چند دل دھڑکتا ہے پل پل گھڑی گھڑی
لیکن جو آج دل کو ہے دھڑکا کچھ اور ہے
اتنی بھی احتیاط نہ کر جان آفتابؔ
خدشے کچھ اور ہوتے ہیں ہوتا کچھ اور ہے
آفتاب حسین
Karta kuch aur hai woh dikhaata kuch aur hai
Karta kuch aur hai woh dikhaata kuch aur hai
Darasal silsila pas-e-parda kuch aur hai
Har dam taghayyuraat ki zad mein hai kayenaat
Dekhein palak jhapak ke to naqsha kuch aur hai
Jo kuch nigaah mein hai haqeeqat mein woh nahin
Jo tere saamne hai tamaasha kuch aur hai
Rakh wadi-e-junoon mein qadam phoonk phoonk kar
Aye be-khabar sambhal ke yeh rishta kuch aur hai
Tehreer aur kuch hai sar-e-matan-e-zindagi
Aur haashiyye mein hai jo hawaala kuch aur hai
Har chand dil dhadakta hai pal pal ghadi ghadi
Lekin jo aaj dil ko hai dhadka kuch aur hai
Itni bhi ehtiyaat na kar jaan Aftaab
Khadishe kuch aur hote hain hota kuch aur hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں