خود اپنی دھند سے ہوتا نکل بھی سکتا ہوں — آفتاب حسین
شاعر
خود اپنی دھند سے ہوتا نکل بھی سکتا ہوں
خود اپنی دھند سے ہوتا نکل بھی سکتا ہوں
میں آج تک نہیں نکلا نکل بھی سکتا ہوں
ترے افق پہ نکل کر غروب ہوتے ہوئے
کسی طرف سے دوبارہ نکل بھی سکتا ہوں
بہت امید نہیں ہے مری نمو کی مگر
کہیں کہیں سے ذرا سا نکل بھی سکتا ہوں
نہ کر غرور بہت صید افگنی پہ کہ میں
تمھارے دام میں آتا نکل بھی سکتا ہوں
میں چاہتا ہوں کہ اب کوئی میرے ساتھ چلے
اک ایسی رہ پہ کہ تنہا نکل بھی سکتا ہوں
میں اس طرح کا نہیں پھر بھی آدمی ہی تو ہوں
حضر کرو کہ میں ایسا نکل بھی سکتا ہوں
ڈٹا ہوا ہوں محبت میں آفتاب حسینؔ
اگرچہ جان بچاتا نکل بھی سکتا ہوں
آفتاب حسین
Khud apni dhund se hota nikal bhi sakta hoon
Khud apni dhund se hota nikal bhi sakta hoon
Main aaj tak nahin nikla nikal bhi sakta hoon
Tere ufaq pe nikal kar ghuroob hote hue
Kisi taraf se dobara nikal bhi sakta hoon
Bohat umeed nahin hai meri namu ki magar
Kahin kahin se zara sa nikal bhi sakta hoon
Na kar ghuroor bohat said-afgani pe ke main
Tumhare daam mein aata nikal bhi sakta hoon
Main chahta hoon ke ab koi mere saath chale
Ik aisi rah pe ke tanha nikal bhi sakta hoon
Main is tarah ka nahin phir bhi aadmi hi to hoon
Hazr karo ke main aisa nikal bhi sakta hoon
Data hua hoon mohabbat mein Aftab Hussain!
Agarche jaan bachata nikal bhi sakta hoon
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں