خوشبو کی طرح دل میں بسا کر اسے دیکھو — آفتاب حسین
شاعر
خوشبو کی طرح دل میں بسا کر اسے دیکھو
خوشبو کی طرح دل میں بسا کر اسے دیکھو
لوگوں کی نگاہوں سے چھپا کر اسے دیکھو
شاید وہ سلگ اٹھا ہو یادوں کی ہوا سے
فرصت ہو کسی روز تو جا کر اسے دیکھو
کیا جانے وہ فردوس نظر کب نظر آئے
تصویر ہی اب اس کی اٹھا کر اسے دیکھو
پتھر سا نظر آتا ہے وہ موم کا پیکر
اب آئے تو سینے سے لگا کر اسے دیکھو
کہتے ہو کہ یاد اس کی وبال دل و جاں ہے
ایسا ہی اگر ہے تو بھلا کر اسے دیکھو
برہم ہی نظر آتا ہے ہر بات پہ وہ شوخ
یہ تازہ غزل آج سنا کر اسے دیکھو
آفتاب حسین
Khushbu ki tarah dil mein basa kar use dekho
Khushbu ki tarah dil mein basa kar use dekho
Logon ki nigahon se chhupa kar use dekho
Shayad woh sulag utha ho yaadon ki hawa se
Fursat ho kisi roz to ja kar use dekho
Kya jaane woh firdous-e-nazar kab nazar aaye
Tasveer hi ab us ki utha kar use dekho
Patthar sa nazar aata hai woh mom ka paikar
Ab aaye to seene se laga kar use dekho
Kehte ho ke yaad us ki wabaal-e-dil-o-jaan hai
Aisa hi agar hai to bhula kar use dekho
Barham hi nazar aata hai har baat pe woh shokh
Yeh taaza ghazal aaj suna kar use dekho
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں