خواب تھا خواب کے اندر نظر آنے والا — آفتاب حسین
شاعر
خواب تھا خواب کے اندر نظر آنے والا
خواب تھا خواب کے اندر نظر آنے والا
نظر آیا نہیں منظر نظر آنے والا
سب یہی سوچ کے چلتے رہے صحراؤں میں
ابھی کچھ دیر میں ہے گھر نظر آنے والا
سر گرانی بھی کبھی دیکھتے میری آ کر
میں کہ ہوں آپ کو خود سر نظر آنے والا
اور کچھ دیر یوںہی سینکتے رہیے آنکھیں
موم ہو سکتا ہے پتھر نظر آنے والا
یہ بھی ہو سکتا ہے حصہ ہو مرے ہونے کا
اک ہیولیٰ سا برابر نظر آنے والا
چاٹیے بیٹھ کے ان آنکھوں کی بینائی کو
خواب وہ اب نہیں اٹھ کر نظر آنے والا
سینت کے رکھ لو کہیں دل میں محبت کی مہک
پھر یہ موسم نہیں جا کر نظر آنے والا
پھڑپھڑاہٹ رہی اک عمر مری آنکھوں میں
کیا پرندہ تھا وہ پل بھر نظر آنے والا
آفتاب حسین
Khwab tha khwab ke andar nazar aane wala
Khwab tha khwab ke andar nazar aane wala
Nazar aaya nahin manzar nazar aane wala
Sab yehi soch ke chalte rahe sehraon mein
Abhi kuch der mein hai ghar nazar aane wala
Sar garani bhi kabhi dekhte meri aa kar
Main ke hoon aap ko khud sar nazar aane wala
Aur kuch der yunhi sainkte rahiye aankhein
Mom ho sakta hai patthar nazar aane wala
Yeh bhi ho sakta hai hissa ho mere hone ka
Ik hayula sa barabar nazar aane wala
Chaatiye baith ke in aankhon ki beenai ko
Khwab woh ab nahin uth kar nazar aane wala
Seent ke rakh lo kahin dil mein mohabbat ki mahak
Phir yeh mausam nahin ja kar nazar aane wala
PhaRphaRaahat rahi ik umr meri aankhon mein
Kya parinda tha woh pal bhar nazar aane wala
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں