کوئی سودا بھی مرے سر میں نہ رکھا ہوا ہو — آفتاب حسین
شاعر
کوئی سودا بھی مرے سر میں نہ رکھا ہوا ہو
کوئی سودا بھی مرے سر میں نہ رکھا ہوا ہو
دل نے مجھ کو یوںہی چکر میں نہ رکھا ہوا ہو
نظر آتا ہے جو یہ آنکھ کا دھوکا تو نہیں
منظر اک اور ہی منظر میں نہ رکھا ہوا ہو
دیکھ وہ حسن دل افروز مگر دور سے دیکھ
کوئی شعلہ ہی گل تر میں نہ رکھا ہوا ہو
پوچھتا پھرتا ہوں میں جس کو زمانے بھر سے
خواب سا وہ مرے بستر میں نہ رکھا ہوا ہو
دیکھ اے رنگ زمانہ مرے رستہ میں نہ آ
کل تجھے بھی کہیں ٹھوکر میں نہ رکھا ہوا ہو
یہ بھی ممکن ہے کہ گوہر مرے ہاتھ آ جائے
اور امکاں مرے جوہر میں نہ رکھا ہوا ہو
آفتاب حسین
Koi sauda bhi mere sar mein na rakha hua ho
Koi sauda bhi mere sar mein na rakha hua ho
Dil ne mujh ko yunhi chakkar mein na rakha hua ho
Nazar aata hai jo yeh aankh ka dhoka to nahin
Manzar ek aur hi manzar mein na rakha hua ho
Dekh woh husn-e-dil-afroz magar door se dekh
Koi shola hi gul-e-tar mein na rakha hua ho
Poochhta phirta hoon main jis ko zamane bhar se
Khwab sa woh mere bistar mein na rakha hua ho
Dekh ae rang-e-zamana mere rasta mein na aa
Kal tujhe bhi kahin thokar mein na rakha hua ho
Yeh bhi mumkin hai ke gauhar mere haath aa jaaye
Aur imkan mere jauhar mein na rakha hua ho
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں