کیا سے کیا کچھ نہیں ہے بنتا ہوا ہوتا ہوا — آفتاب حسین
شاعر
کیا سے کیا کچھ نہیں ہے بنتا ہوا ہوتا ہوا
کیا سے کیا کچھ نہیں ہے بنتا ہوا ہوتا ہوا
اور میں سب سے الگ سب سے جدا ہوتا ہوا
اب کے اک ایسے شکنجے میں پھنسی جان مری
قید ہوتے ہوئے ہوتا ہوں رہا ہوتا ہوا
اس قدر اب بھی جو ہے مجھ میں یہ ہونے کی چمک
کوئی اس راہ سے گزرا تھا ذرا ہوتا ہوا
سانس چلتی تھی کہ تم تھے مرے اندر باہر
اور میں تھا بھی تو لگتا ہی نہ تھا ہوتا ہوا
سرنوشت اپنی تھی لگتا ہے نوشت اپنی بھی
آگے آتا رہا قسمت کا لکھا ہوتا ہوا
اللہ اللہ تھا کیا عجز و نیاز اپنا بھی
اب تو ہر بت نظر آتا ہے خدا ہوتا ہوا
دیکھ اے دیکھنے والے مری پت جھڑ پہ نہ جا
اندر اندر ہے مرا پیڑ ہرا ہوتا ہوا
آفتاب حسین
Kya se kya kuch nahi hai banta hua hota hua
Kya se kya kuch nahi hai banta hua hota hua
Aur main sab se alag sab se juda hota hua
Ab ke ek aise shikanje mein phansi jaan meri
Qaid hote hue hota hoon raha hota hua
Is qadar ab bhi jo hai mujh mein yeh hone ki chamak
Koi is raah se guzra tha zara hota hua
Saans chalti thi ke tum the mere andar bahar
Aur main tha bhi to lagta hi na tha hota hua
Sarnavisht apni thi lagta hai navisht apni bhi
Aage aata raha qismat ka likha hota hua
Allah Allah tha kya ajz o niaz apna bhi
Ab to har but nazar aata hai khuda hota hua
Dekh ae dekhne wale meri patjhad pe na ja
Andar andar hai mera peR hara hota hua
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں