میں سوچتا ہوں اگر اس طرف وہ آ جاتا — آفتاب حسین
شاعر
میں سوچتا ہوں اگر اس طرف وہ آ جاتا
میں سوچتا ہوں اگر اس طرف وہ آ جاتا
چراغ عمر کی لو اک ذرا بڑھا جاتا
عجیب بھول بھلیاں ہے راستہ دل کا
یہاں تو خضر بھی ہوتا تو ڈگمگا جاتا
سو اپنے ہاتھ سے دیں بھی گیا ہے دنیا بھی
کہ اک سرے کو پکڑتے تو دوسرا جاتا
مگر نہیں ہے وہ مصروف ناز اتنا بھی
کبھی کبھی تو کوئی رابطہ کیا جاتا
کبھی وہ پاس بلاتا تو یہ دل درویش
بس اک اشارۂ ابرو پہ جھومتا جاتا
پلٹ رہا ہوں اسی یار مہرباں کی طرف
اب اس قدر بھی نہیں بے وفا ہوا جاتا
پلٹ گیا انہیں قدموں سے آفتاب حسینؔ
کہاں تلک وہی حالات دیکھتا جاتا
آفتاب حسین
Main sochta hoon agar is taraf woh aa jaata
Main sochta hoon agar is taraf woh aa jaata
Charagh-e-umar ki low ek zara barha jaata
Ajeeb bhool bhulaiyan hai raasta dil ka
Yahaan to Khizr bhi hota to dagmaga jaata
So apne haath se deen bhi gaya hai duniya bhi
Ke ek sire ko pakadte to doosra jaata
Magar nahin hai woh masroof-e-naaz itna bhi
Kabhi kabhi to koi raabta kiya jaata
Kabhi woh paas bulaata to yeh dil darwesh
Bas ek ishaara abroo pe jhoomta jaata
Palat raha hoon usi yaar meharbaan ki taraf
Ab is qadar bhi nahin bewafa hua jaata
Palat gaya inhin qadmon se Aftaab Husain
Kahaan talak wahi haalaat dekhta jaata
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں