منزل ہاتھ نہیں آ پاتی خواب ادھورا رہ جاتا ہے — آفتاب حسین
شاعر
منزل ہاتھ نہیں آ پاتی خواب ادھورا رہ جاتا ہے
منزل ہاتھ نہیں آ پاتی خواب ادھورا رہ جاتا ہے
راہ طلب پر چلتے چلتے آدمی آدھا رہ جاتا ہے
کبھی کبھی تو دل کی دھڑکن بند بھی ہو جاتی ہے صاحب
کبھی کبھی تو سینے میں بس درد دھڑکتا رہ جاتا ہے
تجھ کو بھول چکے ہیں ہم بھی لیکن ایسی بات نہیں کچھ
سورج ڈوب بھی جائے اگر تو ایک دھندلکا رہ جاتا ہے
چلنے والے چلتے چلتے اپنی منزل پا لیتے ہیں
راہ دکھانے والا بوڑھا راہ دکھاتا رہ جاتا ہے
وقت کا پہیہ چلے تو پھر کب چل سکتا ہے زور کسی کا
آدمی اپنے آپ کو کیا کیا چیز سمجھتا رہ جاتا ہے
آفتاب حسین
Manzil haath nahin aa paati khwaab adhoora reh jaata hai
Manzil haath nahin aa paati khwaab adhoora reh jaata hai
Raah-e-talab par chalte chalte aadmi aadha reh jaata hai
Kabhi kabhi to dil ki dhadkan band bhi ho jaati hai sahib
Kabhi kabhi to seene mein bas dard dhadakta reh jaata hai
Tujh ko bhool chuke hain hum bhi lekin aisi baat nahin kuch
Suraj doob bhi jaye agar to ek dhundalka reh jaata hai
Chalne wale chalte chalte apni manzil pa lete hain
Raah dikhane wala boodha raah dikhata reh jaata hai
Waqt ka pahiyya chale to phir kab chal sakta hai zor kisi ka
Aadmi apne aap ko kya kya cheez samajhta reh jaata hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں