مقام شوق سے آگے بھی اک رستہ نکلتا ہے — آفتاب حسین
شاعر
مقام شوق سے آگے بھی اک رستہ نکلتا ہے
مقام شوق سے آگے بھی اک رستہ نکلتا ہے
کہیں کیا سلسلہ دل کا کہاں پر جا نکلتا ہے
مژہ تک آتا جاتا ہے بدن کا سب لہو کھنچ کر
کبھی کیا اس طرح بھی یاد کا کانٹا نکلتا ہے
دکان دل بڑھاتے ہیں حساب بیش و کم کر لو
ہمارے نام پر جس جس کا بھی جتنا نکلتا ہے
ابھی ہے حسن میں حسن نظر کی کار فرمائی
ابھی سے کیا بتائیں ہم کہ وہ کیسا نکلتا ہے
میان شہر ہیں یا آئنوں کے روبرو ہیں ہم
جسے بھی دیکھتے ہیں کچھ ہمیں جیسا نکلتا ہے
یہ دل کیوں ڈوب جاتا ہے اسی سے پوچھ لوں گا میں
ستارہ شام ہجراں کا ادھر بھی آ نکلتا ہے
دل مضطر وفا کے باب میں یہ جلد بازی کیا
ذرا رک جائیں اور دیکھیں نتیجہ کیا نکلتا ہے
آفتاب حسین
Maqam-e-shauq se aage bhi ek rasta nikalta hai
Maqam-e-shauq se aage bhi ek rasta nikalta hai
Kahin kya silsila dil ka kahan par ja nikalta hai
Mizha tak aata jaata hai badan ka sab lahu khench kar
Kabhi kya is tarah bhi yaad ka kaanta nikalta hai
Dukaan-e-dil badhate hain hisaab besh-o-kam kar lo
Hamare naam par jis jis ka bhi jitna nikalta hai
Abhi hai husn mein husn-e-nazar ki kaar-farmayi
Abhi se kya bataayein hum ke woh kaisa nikalta hai
Mayaan-e-shehr hain ya aayinoon ke rubaroo hain hum
Jise bhi dekhte hain kuch hamein jaisa nikalta hai
Yeh dil kyun doob jaata hai usi se pooch lunga main
Sitara-e-shaam-e-hijraan ka idhar bhi aa nikalta hai
Dil-e-muztar wafa ke baab mein yeh jald-baazi kya
Zara ruk jaayein aur dekhein nateeja kya nikalta hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں