مرنے والوں کی ہے یہاں بھرمار — آفتاب حسین
شاعر
مرنے والوں کی ہے یہاں بھرمار
مرنے والوں کی ہے یہاں بھرمار
جا کے اب اور ہی کہیں سر مار
پھول ہی مانگنے کو آیا تھا
مار ڈالا ہے جس کو پتھر مار
ہم تری راہ میں پڑے ہوئے ہیں
تو بھی آ اور آ کے ٹھوکر مار
دل کہ باہر ہوا ہے آپے سے
لا کے اس بے حیا کو اندر مار
دیکھ اب قینچیاں فضاؤں میں ہیں
کہا تھا کس نے اس قدر پر مار
اور کس کام کی رہی ہے یہ شے
تیشۂ زندگی کو سر پر مار
ڈھیٹ ہیں اور ڈٹے ہوئے ہیں ہم
پڑ رہی ہے ہمیں برابر مار
پیار کی بھیکھ آفتاب حسینؔ
جا کے اس آدمی کے منہ پر مار
آفتاب حسین
Marne walon ki hai yahan bharmaar
Marne walon ki hai yahan bharmaar
Ja ke ab aur hi kahin sar maar
Phool hi maangne ko aaya tha
Maar daala hai jis ko patthar maar
Hum teri raah mein pade hue hain
Tu bhi aa aur aa ke thokar maar
Dil ke bahar hua hai aape se
La ke is be-haya ko andar maar
Dekh ab qainchiyan fazaon mein hain
Kaha tha kis ne is qadar par maar
Aur kis kaam ki rahi hai yeh shai
Tesha-e-zindagi ko sar par maar
Dheet hain aur date hue hain hum
Pad rahi hai hamein barabar maar
Pyaar ki bheekh Aftab Hussain
Ja ke is aadmi ke munh par maar
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں