مرے سخن میں جو حرف و بیاں کا ذائقہ ہے — آفتاب حسین
شاعر
مرے سخن میں جو حرف و بیاں کا ذائقہ ہے
مرے سخن میں جو حرف و بیاں کا ذائقہ ہے
یہ سارا ذوق کسی کی زباں کا ذائقہ ہے
بہت مزے کے مناظر ہیں میری آنکھوں میں
مگر کچھ اور ہمارے یہاں کا ذائقہ ہے
اتر گئی جو گلے سے یہ زندگی تو کھلا
حقیقتوں میں بھی کچھ داستاں کا ذائقہ ہے
اڑائے پھرتی ہے پھر خاک خواب کی خوشبو
ابھی تو منہ میں مرے رائیگاں کا ذائقہ ہے
جو سچ کہوں تو اسی میں ہے لطف ہونے کا
کہیں کہیں جو یہ زہر زیاں کا ذائقہ ہے
آفتاب حسین
Mere sukhan mein jo harf o bayan ka zaiqa hai
Mere sukhan mein jo harf o bayan ka zaiqa hai
Yeh saara zauq kisi ki zaban ka zaiqa hai
Bahut maze ke manazir hain meri aankhon mein
Magar kuch aur hamare yahan ka zaiqa hai
Utar gai jo gale se yeh zindagi to khula
Haqeeqaton mein bhi kuch dastaan ka zaiqa hai
Udaye phirti hai phir khaak-e-khwab ki khushboo
Abhi to munh mein mere raaigaan ka zaiqa hai
Jo sach kahoon to isi mein hai lutf hone ka
Kahin kahin jo yeh zehr-e-ziyan ka zaiqa hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں