نشہ اپنا نہ خمار اپنا ہے — آفتاب حسین
شاعر
نشہ اپنا نہ خمار اپنا ہے
نشہ اپنا نہ خمار اپنا ہے
مے گساروں میں شمار اپنا ہے
اپنے ہی بوجھ تلے دب گیا ہوں
اپنے ہی شانوں پہ بار اپنا ہے
دشت کوئی نہیں صحرا نہیں کوئی
یہ جو اڑتا ہے غبار اپنا ہے
محمل اپنا ہے نہ لیلیٰ اپنی
کن قطاروں میں شمار اپنا ہے
پار کر جانا ہے یہ دشت وجود
کوئی اس دشت کے پار اپنا ہے
ہم کہیں اپنی ہی دھن میں ہیں رواں
اور کہیں اور مدار اپنا ہے
دل کی دیواروں سے سر پھوڑتے ہیں
اور کس سے سروکار اپنا ہے
کیا لپکتا ہے شفق کا شعلہ
اس میں بھی کوئی شرار اپنا ہے
آفتابؔ ایک نہ مانے اپنی
اور کہنے کو وہ یار اپنا ہے
آفتاب حسین
Nasha apna na khumar apna hai
Nasha apna na khumar apna hai
Mai-gusaron mein shumar apna hai
Apne hi bojh tale dab gaya hoon
Apne hi shanon pe baar apna hai
Dasht koi nahin sehra nahin koi
Ye jo udta hai ghubar apna hai
Mahmil apna hai na Laila apni
Kin qatarron mein shumar apna hai
Paar kar jaana hai ye dasht-e-wajood
Koi is dasht ke paar apna hai
Hum kahin apni hi dhun mein hain rawaan
Aur kahin aur madar apna hai
Dil ki deewaron se sar phodte hain
Aur kis se sarokar apna hai
Kya lapakta hai shafaq ka shola
Is mein bhi koi sharar apna hai
Aftab ek na maane apni
Aur kehne ko woh yaar apna hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں