نظر میں عکس ہے اک آئنے کے ہونے سے — آفتاب حسین
شاعر
نظر میں عکس ہے اک آئنے کے ہونے سے
نظر میں عکس ہے اک آئنے کے ہونے سے
کہ جی رہا ہوں میں اے دوست تیرے ہونے سے
اتر نہ آئے کہیں نیند میری پلکوں پر
کہ خواب ہے تو اسی رت جگے کے ہونے سے
کھلا کہ ہے کہیں مجھ میں بھی زندگی کی رمق
میں خوش ہوا ہوں کسی سانحہ کے ہونے سے
گل بہار بہت ہو چکی ہوا ہو جائیں
پڑا نہ فرق کہیں کچھ ہمارے ہونے سے
اسی کی گرد میں تحلیل ہونا چاہتا ہوں
بھٹک رہا ہوں میں جس راستے کے ہونے سے
مگر کبھی کبھی اک شخص یاد آتا ہے
اگرچہ خوش نہیں رہتا میں اپنے ہونے سے
مچا تھا دل میں وہ اندھیر آفتاب حسینؔ
دکھائی کچھ نہ دیا روشنی کے ہونے سے
آفتاب حسین
Nazar mein aks hai ek aaine ke hone se
Nazar mein aks hai ek aaine ke hone se
Ke ji raha hoon main ae dost tere hone se
Utar na aaye kahin neend meri palkon par
Ke khwaab hai tu isi ratjage ke hone se
Khula ke hai kahin mujh mein bhi zindagi ki ramaq
Main khush hua hoon kisi sanihah ke hone se
Gul-e-bahar bahut ho chuki hawa ho jaayen
Pada na farq kahin kuch hamare hone se
Isi ki gard mein tahlil hona chahta hoon
Bhatak raha hoon main jis raaste ke hone se
Magar kabhi kabhi ek shakhs yaad aata hai
Agarche khush nahin rehta main apne hone se
Macha tha dil mein woh andhera Aftab Husain
Dikhai kuch na diya roshni ke hone se
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں