نظر میں کوئی بحر بیکراں رکھا ہوا ہے — آفتاب حسین
شاعر
نظر میں کوئی بحر بیکراں رکھا ہوا ہے
نظر میں کوئی بحر بیکراں رکھا ہوا ہے
اور اپنے آپ کو میں نے رواں رکھا ہوا ہے
جہاں میں ہوں فقط میری صدائیں گونجتی ہیں
مجھے کن گنبدوں کے درمیاں رکھا ہوا ہے
مری تیزی تو اب میری ضرورت بن گئی ہے
مرے سر پر کوئی نار گراں رکھا ہوا ہے
میں اپنے آپ سے ہو کر گزرتا جا رہا ہوں
کہ میرے راستے میں اک جہاں رکھا ہوا ہے
میں اپنے آپ میں ہوتا تو خود تک لوٹ آتا
کسی خوشبو نے مجھ کو بے اماں رکھا ہوا ہے
کبھی احساس ہی اس آنکھ کو جا کر دلاؤں
کہاں ہونا تھا مجھ کو اور کہاں رکھا ہوا ہے
جو سچ پوچھو اسی میں لطف ہے سارے کا سارا
حقیقت میں جو رنگ داستاں رکھا ہوا ہے
بہت ہی مطمئن پھرتا ہوں لیکن جانتا ہوں
مرے اندر کوئی آتش فشاں رکھا ہوا ہے
آفتاب حسین
Nazar mein koi bahr-e-bekaran rakha hua hai
Nazar mein koi bahr-e-bekaran rakha hua hai
Aur apne aap ko main ne rawan rakha hua hai
Jahan main hoon faqat meri sadaein goonjti hain
Mujhe kin gumbadon ke darmiyan rakha hua hai
Meri tezi to ab meri zaroorat ban gai hai
Mere sar par koi naar-e-giran rakha hua hai
Main apne aap se ho kar guzarta ja raha hoon
Ke mere raaste mein ek jahan rakha hua hai
Main apne aap mein hota to khud tak laut aata
Kisi khushboo ne mujh ko be-aman rakha hua hai
Kabhi ehsaas hi us aankh ko ja kar dilaaun
Kahan hona tha mujh ko aur kahan rakha hua hai
Jo sach poocho usi mein lutf hai saare ka saara
Haqeeqat mein jo rang-e-dastan rakha hua hai
Bahut hi mutma'in phirta hoon lekin jaanta hoon
Mere andar koi aatish-fishan rakha hua hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں