نگاہ کے لیے اک خواب بھی غنیمت ہے — آفتاب حسین
شاعر
نگاہ کے لیے اک خواب بھی غنیمت ہے
نگاہ کے لیے اک خواب بھی غنیمت ہے
وہ تیرگی ہے کہ یہ روشنی غنیمت ہے
چلو کہیں پہ تعلق کی کوئی شکل تو ہو
کسی کے دل میں کسی کی کمی غنیمت ہے
کم و زیادہ پہ اصرار کیا کیا جائے
ہمارے دور میں اتنی سی بھی غنیمت ہے
بدل رہے ہیں زمانے کے رنگ کیا کیا دیکھ
نظر اٹھا کہ یہ نظارگی غنیمت ہے
نہ جانے وقت کی گردش دکھائے گی کیا رخ
گزر رہی ہے جو یہ زندگی غنیمت ہے
غم جہاں کے جھمیلوں میں آفتاب حسینؔ
خیال یار کی آسودگی غنیمت ہے
آفتاب حسین
Nigah ke liye ek khwab bhi ghaneemat hai
Nigah ke liye ek khwab bhi ghaneemat hai
Woh teergi hai ke yeh roshni ghaneemat hai
Chalo kahin pe ta'alluq ki koi shakal toh ho
Kisi ke dil mein kisi ki kami ghaneemat hai
Kam-o-ziyada pe israr kya kiya jaaye
Hamare daur mein itni si bhi ghaneemat hai
Badal rahe hain zamane ke rang kya kya dekh
Nazar uṭha ke yeh nazargi ghaneemat hai
Na jaane waqt ki gardish dikhayegi kya rukh
Guzar rahi hai jo yeh zindagi ghaneemat hai
Gham-e-jahan ke jhameelon mein Aftab Husain,
Khayal-e-yaar ki aasoodagi ghaneemat hai
شاعر کے بارے میں
آفتاب حسین معاصر اردو شاعری کا ایک معتبر اور منفرد نام ہیں جنہوں نے اپنی فکری گہرائی، داخلی کرب اور جدید حسیت کے ذریعے اردو غزل کو ایک نیا آہنگ عطا...
مکمل تعارف پڑھیں